香港新浪網 MySinaBlog
« 上一篇 | 下一篇 »
羈翔 | 19th Feb 2009 | 鬼靈精怪 | (468 Reads)

Picture

昨天傍晚,天色未黑。走在沒甚麼行人的後街上,不遠處的角落突然刮起一股迴轉的風。

風在轉,捲動地上的落葉和紙屑,形成一道肉眼可見的漩渦。漩渦時徐時疾,忽左忽右,像有意志似的朝我而來。

看在眼裡,我一臉不以為然,立時展開身法,瞬間向橫移動兩個身位,避開迫近的旋風,步法雖說比不上「凌波微步」,但行動時態度從容,姿勢一氣呵成,相信即使被街坊看到,也不會失禮。

然而,正沾沾自喜之際,第二波的威脅隨即而來。只見那道夾雜枯葉、垃圾和灰塵的漩渦忽然改變方向,再次向我盪來。我想也不想,再度邁開腳步,僅僅躲閃開去,直走到五、六步之外。可是情急之下,這次優雅盡失,雖然看不到自己的動作,但應該和「小販走鬼」相差不遠……

還好在停下腳步後,環顧四周,除了站在垃圾桶旁向著我打呵欠的一頭流浪貓外,周遭別無他人,總算將形象受損的程度減至最低。

鬆了口氣的同時,回頭望向那道仍未消散的怪風,心裡暗自喃語:「哎……已經唔算靚仔喇,吹歪埋個嘴仲得了?!」

是的,那道突然而來的風,令我想起小時聽過的一些怪異禁忌。

禁忌這東西,每個人或多或少也會聽過。當然,信與不信是另一回事,但當身處其境時,總會自自然然地記起它來。

而在我的記憶中,曾聽過一個比較特別的禁忌。

那時候,我的工作與時裝有關。一晚,加班到深夜,因需要一套外衣的軟樣(畫在白色紙樣紙上的圖樣),於是便到版房要求紙樣師傅以硬樣(啡色牛皮紙製成的圖樣)為我複製一份。

紙樣師傅把衣服的各部分複製到一張大大的紙樣紙上交給我後,我便在紙樣上貼上設計好的圖案。接著,為了看看前、後幅的圖案是否連接得好,於是我拿起剪刀,想把一幅幅的紙樣從那大大的紙樣紙上剪下來,但在我正要下剪之際,站在身旁的紙樣師傅卻把我叫住。

「喂,咁夜唔好剪紙樣!」

「有問題?」我問。

「我無問題,但係驚你會有問題……」紙樣師傅皺起眉頭說。

「有乜問題?你都剪緊啦……」我指著裁床上剛被紙樣師傅剪出來的紙樣和布料說。

「點同呢……我將紙樣放喺布上面一齊剪,呢啲叫做『栽』,裁嘅係布。」紙樣師傅低聲地說,「我哋唔會喺夜晚好似你咁淨剪紙樣……」

「咁即係點……」

「夜晚淨係剪紙樣……」紙樣師傅回頭環顧了只有我們兩人的版房一下後,湊近我再度壓低聲音說,「畀夜晚四圍遊嗰啲『朋友』撞見,佢哋會以為你係造紙衫嘅人,好易會惹到……」

「夠!唔好再講落去!我有事閃先,啲花稿我第朝至搞。」我說罷,立即收拾裁床上的東西,匆忙離去。

究竟是他們那一行真的有這種禁忌,還是他存心嚇我?我不知道,但那時候聽到他所說的話,背項卻確實寒了一寒……emotion


[1]

哦?!可能有都唔奇喎.

慧瑩
[引用] | 作者 慧瑩 | 21st Feb 2009 | [舉報垃圾留言]

[2]

係咪因為甘, 你至閃左甘耐~
你係咪犯鮮奶國之"大禁忌"~~ (後面加多d雷聲)
被鮮奶之神呢個大懲罰 (後面吹多d樹葉, 唔該)
(火羽閃ing)

飛天火羽
[引用] | 作者 飛天火羽 | 21st Feb 2009 | [舉報垃圾留言]

[3]

實情可能係....
死靚仔,咁夜仲要我搞呢樣個樣,趕住裁埋呢件就走人收工,同老婆食消夜的嘛!哼哼!


[引用] | 作者 呆飛揚 | 21st Feb 2009 | [舉報垃圾留言]

[4] Re: 慧瑩
慧瑩 :
哦?!可能有都唔奇喎.

嗯,我都覺得。

羈翔
[引用] | 作者 羈翔 | 23rd Feb 2009 | [舉報垃圾留言]

[5] Re: 飛天火羽
飛天火羽 :
係咪因為甘, 你至閃左甘耐~你係咪犯鮮奶國之"大禁忌"~~ (後面加多d雷聲)被鮮奶之神呢個大懲罰 (後面吹多d樹葉, 唔該)(火羽閃ing)

鮮奶國大禁忌——忌閃得有型?^^!

羈翔
[引用] | 作者 羈翔 | 23rd Feb 2009 | [舉報垃圾留言]

[6] Re: 呆飛揚
呆飛揚 :
實情可能係....死靚仔,咁夜仲要我搞呢樣個樣,趕住裁埋呢件就走人收工,同老婆食消夜的嘛!哼哼!

嗯……如果係咁,真係辛苦佢。^^!

羈翔
[引用] | 作者 羈翔 | 23rd Feb 2009 | [舉報垃圾留言]

[7]

「小販走鬼」,形容得好搞笑,哈哈!emotion

下面個故事嚇得我啊,還以為夜晚唔可以用較剪剪東西,原來係唔可以剪紙樣,咁知道咗就真係唔好做了。

謝謝你去我那邊留言~03

悅悅
[引用] | 作者 悅悅 | 25th Feb 2009 | [舉報垃圾留言]

[8] Re: 悅悅
悅悅 :
「小販走鬼」,形容得好搞笑,哈哈!
下面個故事嚇得我啊,還以為夜晚唔可以用較剪剪東西,原來係唔可以剪紙樣,咁知道咗就真係唔好做了。
謝謝你去我那邊留言~

我當然不會做,因為我懶開夜。^^!

羈翔
[引用] | 作者 羈翔 | 27th Feb 2009 | [舉報垃圾留言]